ფიშინგისგან და თაღლითობისგან ერთადერთი 100%-იანი დაცვის წესი, რომელიც ბავშვობიდანვე ვიცით: "უცხო ადამიანებს არ ვესაუბროთ" არის.
მოგვივიდა წერილი ელ. ფოსტაზე, სადაც გვამცნობენ, რომ დიდძალი მემკვიდრეობის პატრონი გავხდით, ან ლატარეაში მოვიგეთ თანხა, ან წერილი გავს ფეისბუქიდან ელ. ფოსტაზე მოსულ შეტყობინებას, სადაც ისეთ რაღაცას ვკითხულობთ, რომ ეგრევე ბმულზე გადავდივართ... თაღლითის ამოცანაა ჩვენში გამოიწვიოს ცხოვრების ჩვეული რიტმის დარღვევა და გვაიძულოს გავაკეთოთ ქმედება, რომლითაც "ვიწყებთ საუბარს უცხო ადამიანთან". ბმულებზე გადასვლა ეს იგივეა, რაც "უცხო ადამიანთან საუბრის წამოწყება".
უცხო ნომრიდან ზარზე პასუხის გაცემა დღეს ნორმალურად ითვლება, თუმცა მე გირჩევთ, რომ შეძლებისდაგვარად არ უპასუხოთ უცხო ნომრიდან შემოსულ ზარს, თუნდაც იმიტომ, რომ შესაძლოა ეს იყოს ნაცნობი 🙂
თუ თქვენი ცხოვრება ისეა მოწყობილი, რომ უცხო ნომრებიდან ზარებზე პასუხი აუცილებლობაა, მაშინ ეცადეთ არარელევანტური ზარები თავიდანვე გათიშოთ და ამით დაზოგოთ დრო, ნერვები და ა.შ.
ზარი უცხო ნომრიდან ჩემს ტელეფონზე:
- გამარჯობათ, მე ვარ სოფო კვლევითი კომპანია "ისეტისგან" (თუ გინდ NASA-დან), ვატარებთ კვლევას ონლაინ თამაშებთან დაკავშირებით (ჯერ იწყებენ თითქოს უწყინარი კითხვებით, შემდეგ დამოკიდებულია იმაზე, თუ რამდენ ინფორმაციას გასცემს მსხვერპლი საკუთარ თავზე);
- გამარჯობათ, სოფო, ტელეფონის ნომერი, რომელზეც რეკავთ საიდან გაქვთ? (მცდელობა პირიქით გავიგოთ რაც შეიძლება მეტი ინფორმაცია დაუპატიჟებელ სტუმარზე);
- მონაცემთა ბაზიდან.
- მონაცემთა ბაზა საიდან გაქვთ? (აშკარად, კითხვების დასმა უფრო მომწონს, ვიდრე პასუხების გაცემა)
აქ პაუზა (ხვდება რო რაღაც სხვაგან მიდის საუბარი);
- უბრალოდ მონაცემთა ბაზიდან მაქვს.
- მოიცათ, სოფო, ეს მონაცემთა ბაზა საიდან გაქვთ? ვიღაცამ ხო გადმოქცათ თავისით ხო არ გაჩნდა? (შერლოკ ჰოლმსი მე-80 "ლეველი")
- აუბრალოდ ბაზამ მომცა, არავის მოუცია. (ღმერთი არ წამს აშკარად)
- მოიცათ, მონაცემთა ბაზა, სულიერი არსებაა, რომ მოგცათ? კარგით, ვის ურეკავთ იცით? ანუ ტელეფონის ნომრის მფლობელი ცნობილია თქვენთვის?
- არა, უბრალოდ ბაზიდან მაქვს (ეტყობა სოფოს ყველა მეუფე ნიკოლოზის იუთუბ-არხის გამომწერი გონია);
- კარგით, კვლევის დამკვეთი ვინ არის? (მოვინდომე ეხლა...)
- არ არის დამკვეთი. უბრალოდ კვლევაა იმის შესახებ გითამაშიათ თუ არა ონლაინ თამაშები და სტატისტიკისთვისაა საჭირო.
- მოიცათ, ვის ურეკავთ არ იცით, კვლევის დამკვეთი, თქვენივე სიტყვებით, არ არსებობს. რანაირი კვლევაა?
- უბრალოდ სტატისტიკისთვის ვადგენთ რამდენს უთამაშია ონლაინ თამაში. გითამაშიათ თუ არა ოდესმე ონლაინ თამაშები და მეტი არაფერი?
- სოფო, თავს შევიკავებ კითხვაზე პასუხისგან და დაგემშვიდობებით, ხო მაქვს უფლება? (სოფომ ოფლი შეიწმინდა)
- დიახ, რა თქმ....
აქ ზარი გავთიშე, რადგან სოფოს პასუხი ისევე გვაინტერესებს, როგორც ლაპლანდიაში ადამიანის უფლებების მხრივ მდგომარეობა.
დიდი ხანია ბლოგისთვის ვერ მოვიცალე და მადლობა სოფოს და კვლევით კომპანია "ისეტს" შთაგონებისთვის.
მორალი:
უპონტობის პონტად ქცევას ჩალიჩი ეწოდება. © ხალხური